LET-REVIEWER-FILIPINO

 

I.  Direksyon:  Piliin ang titik ng sagot sa bawat bilang.

1. May prinsipyo si Daves, kaya nang mabalitaan niyang may tali sa ilong ang kanyang kaibigan dahil sunud-sunuran sa lahat ng ipinag-uutos ng kanyang hepe, pinangaralan niya ito.
1. nasa ilalim ng kapangyarihan
2. di makahalata
3. kulang ang pagkalalake
4. walang iisang salita
2. Ang lihim na kanyang iniingatan ay nabunyag dahil siya ay nahuli sa kanyang sariling bibig.
1. tsismosa
2. sa sariling bibig nagmula ang katotohanan
3. pagiging totoo
4. di marunong magsinungaling
3. Talagang sakit ng ulo ang pag-aasawa nang wala sa panahon.
1. masasakitin ang ulo
2. di nag-iisip
3. malaking suliranin o alalahanin
4. mahirap isipin

 

4. Ang taong may krus sa dibdib ay pinagpapala ng Diyos.
1. maunawain
2. mapagmahal
3. maka-Diyos
4. mapagpatawad
5. Pagdaan ng mga taon, saka mo pa lamang makikita na may pileges ang noo mo.
1. nagiging batang muli
2. nagiging isip-bata
3. maraming problema
4. matanda na
6. Paano ko maiintindihan ang kanyang ulat, e boses-ipis siya.
1. mahina ang boses
2. di makarinig
3. di marinig magsalita
4. a at c
7. Galit ako sa mga istudyante parang kampana ang bibig sa loob ng klase.
1. tulad ng tunog ng kampana ang boses
2. mukhang kampana
3. malakas ang boses
4. malaki ang bukas ng bibig kung magsalita
8. Bukod sa pagtuturo, nais ibuhos ni Miguel ang isip sa pagguhit.
1. ituon ang isip
2. ubusin ang panahon
3. mag-isip nang mag-isip
4. maging malikhain
9. Kaya matumal ang paninda mo ay isang bakol ang mukha mo.  Ngumiti ka naman.
1. nakakunot ang noo
2. nakangiwi
3. malungkot
4. nakasimangot
10. Lumuha ka man ng bato, di na maibabalik ang buhay ng iyong ama.
1. matinding panangis
2. di makaiyak o makaluha
3. di matinag
4. wala ng pakiramdam

Direksyon:  Basahin at unawain ang tula.  Sagutin ang mga tanong. 

Hapunan

Nagdiriwang sa hapag                                                      1

ang tatlong payat na tinapa;                                           

tinatanuran ng nilagang kamatis                                   

na binudburan ng maghapong pagtitiis                         

sa ilalim ng matinding sikat ng araw.                           

Iniingatang may lumusot na butil                                  

ng pawis sa awang ng mesang kawayan;                    

biyaya itong hulog ng langit                                           

kaya’t dapat pag-ingatan.                               

Hati ang mag-asawa                                                         2

sa nakahaing tinapa.                                                        

Salit-salitan                                                                        

sa sawsawang nilapirot sa asin.                                     

 

Bumukal ang maliliit na butil ng pawis                        3

sa noo ng mag-asawang pagal                                       

sa pagbubungkal ng lupa.                               

 

Tahimik na tahimik                                                          4

sa harap ng hapunang pambihira.                 

 

11. Anong larawang-diwa ang ipinakita ng tula?
1. pagsasama ng mag-asawa
2. kahirapan ng buhay
3. payak na buhay sa bukid
4. pagtitipid ng mga magsasaka 
12. Iniingatang may lumusot na butil ng pawis sa awang ng mesang kawayan.  Ang butil ng pawis ay nangangahulugan ng/na _________________.
1. pagtiisan ang anumang pagkaing nasa hapag.
2. pagpapahalaga sa pagkaing nasa hapag dahil ito ay kanilang pinaghirapan.
3. pagiging kuntento sa kung anong mayroon.
4. pasasalamat sa biyayang tinanggap. 
13. Anong saknong ang nagpapahayag ng positibong pananaw.                     
1. 1
2. 2
3. 3
4. 4             
14. Alin sa mga saknong ng binasang tula ang nagpapahiwatig ng pagkakaroon ng pag-asa ng mag-asawa?
1. 1
2. 2
3. 3
4. 4

Direksyon:  Basahin ang sanaysay.  Sagutin ang mga tanong. 

Itanghal nga natin ang nasyonalismong Pilipino.  Itambal ang diwang malaya, ang sipag sa paggawa at taimtim na pagmamahal sa mga likas at pinaunlad na pamana ng ating mga ninuno.  Pagyamanin at pagmalasakitan silang palagi.  At huwag limutin na sila ang susing ginto sa tunay na kalayaan at katubusan ng Pilipinas.

Ating tandaan, na sa sandaling ang Pilipinismo’y maging kalangkap ng ating buhay na pang-araw-araw, sa ating mga basar, groseri at pamilihan ay mamumutiktik na ang mga produktong Pilipino at sila ang magiging gamit sa bahay-bahay; hindi na ang mga made in USA, made in Japan at made in Germany.  At mangyari pa, mawawala na ang mga sawimpalad na kababayang namumulot sa mga basurahan upang makatawid sa gutom.

MATUTUHAN LAMANG NG PILIPINO NA SIYA’Y MAGPAKA-PILIPINO.

-   Pilipinismo: Susi ng Bayang Tagumpay

                                                                ni Amado V. Hernandez  

 

15. Ano ang paksa ng binasang sanaysay?
1. Pagtangkilik sa mga produktong Pilipino
2. Pagmamalasakit sa pamana ng mga ninuno
3. Pagtulong sa mga sawimpalad na Pilipino
4. Pagiging makabayan
16. Batay sa binasang sanaysay, ano ang masasabing kalagayan ng lipunang Pilipino?
1. Pinagmamalasakitan ang mga ninuno na nakipaglaban upang makamit ang kalayaan ng Pilipinas
2. Higit na pagtangkilik sa mga produktong banyaga kaysa mga produktong Pilipino
3. Pagkakaroon ng mahihirap na Pilipino na namumulot sa mga basurahan
4. Maraming Pilipino ang nagnanais na makapangibang-bansa
17. Ipinaliwanag ng sanaysay na kung ang Pilipinismo’y magiging kalangkap ng pang-araw-araw na buhay ng mga Pilipino, ______________________.
1. dadami ang mga produkto gawa ng mga Pilipino.
2. mababawasan ang mga Pilipinong kumakalam ang sikmura.
3. hindi na aangkat ng mga banyagang produkto sa ibang bansa.
4. higit na makakamit ang pag-unlad sa buhay ng bawat Pilipino.
18. Ano ang itinuturo ng binasang sanaysay?
1. Pagtatanghal ng nasyonalismong Pilipino. 
2. Itambal ang diwang malaya, ang sipag sa paggawa at taimtim na pagmamahal sa mga likas at pinaunlad na pamana ng ating mga ninuno.
3. Pagyamanin at pagmalasakitang palagi silang susing ginto sa tunay na kalayaan at katubusan ng Pilipinas.
4. Mawawala na ang mga sawimpalad na kababayang namumulot sa mga basurahan upang makatawid sa gutom.

 

Direksyon:  Basahin ang bahagi ng kuwento.  Sagutin ang mga tanong. 

Kay Ama niya inihabilin ang paglilibing sa kanya.  Dito sa Maynila, sinabi na naman niya.  Mag-iisa akong malilibing dito, Tiyo Julio, ngunit gusto kong dito malibing.

“Magdasal ka,” payo ni Ama, “iyang hinanakit mo’y kalimutan mo na.   Masama iyang babaunin mo pa ang mga iyan.”

“Mahirap makalimutan, Tiyo Julio.  Natatandaan ba ninyo noon, noong maliit ako?  Noong hindi ko matagpuan ang libing ni Ama’t Ina?    Wala akong mauuwian doon, Tiyo Julio.   Mag-iisa rin ako.”

Tumungo ang maputing ulo ni Ama; pati siya’y ibig na ring maluha sa sinasabi ni Layo.

 “Walang hindi umuuwi sa kanyang bayan.  Mayroon nga riyan, namamatay sa Amerika, pagkatapos manirahan doon nang kay tagal, ngunit ang huling kahilingan ay ang malibing dito sa atin.”

“Maganda ang sinabi ninyo, Tiyo Julio.”

“Wala ngang hindi umuuwi sa atin, sa kanyang bayan, Layo.  Ikaw man ay uuwi rin.”

Lahat ay umuuwi sa kanyang bayan, ibig ko ring sabihin kay Layo.  Maaaring narito ka, ngunit ang iyong kaluluwa ay naglalakbay na pabalik doon.  Maaaring naging mapait ang kabataan mo roon, ngunit huwag mong sabihing ikaw ay di babalik.

Ngayo’y hindi siya nakatingin sa akin, ni kay Ama, ni kay Ising.  Nakatingin siya sa kisame.  Nakaangat ang kanyang baba at tila mga mata ng isang bulag ang kanyang mga mata.  Alam kong naglalakbay ang kanyang diwa: marahil, nalalaman ko kung saan naglalakbay iyon. 

Gusto kong isipin na ngayo’y naglalakbay ang kaluluwa ni Layo patungo sa aming bayan; gusto kong isipin na ngayo’y tila mga tuyong dahon nang malalaglag ang kanyang hinanakit: gusto kong isipin na sa paglalakbay ng kanyang kaluluwa, sa paglalakbay na iyong pabalik, ay nakatatagpo siya ng kapayapaan…

Nalagay sa mga pahayagan ang pagkamatay ni Layo.

Ang sabi sa pahayagan ay ilalagak daw ang kanyang bangkay sa San Roque.

Ang kabaong ni Layo ay isinakay sa isang itim na kotse.

Mula sa Maynila, naglakbay iyon sa mga bayan-bayan.

Tumitigil iyon sa mga bahay-pamahalaan.  Nanaog ang nakaunipormeng tsuper at ipinagbigay-alam ang pagdaraan.

Hapon na nang dumating iyon sa San Roque.

Sa San Roque, marami ang naghihintay na makikipaglibing kay Layo.

Naghihintay rin sa kanya ang lupa ng sariling bayan.

-          Sa Lupa ng Sariling Bayan

ni Rogelio R. Sikat

19. Ano ang maituturing na kasukdulan ng kuwentong binasa?
1. Pagsasabi ni Tiyo Julio na ang lahat umuuwi sa sariling bayan
2. Pag-uuwi ng bangkay ni Layo sa San Roque
3. Paghahabilin ni Layo na ilibing siya sa Maynila
4. Pagkikipaglibing ng mga taga-San Roque kay Layo

 

20. Ang suliranin ng kuwento ay binigyang-solusyon sa pamamagitan ng ________________________.
1. pagpanaw ni Layo dahil sa kanyang karamdaman.
2. pangangaral ni Tiyo Julio
3. pag-uuwi ng bangkay ni Layo sa San Roque, ang kanyang sariling bayan
4. paglalathala sa pahayagan ng ukol sa pagpanaw ni Layo
21. Ano ang ibig ipakahulugan ng wakas na ito:  Naghihintay rin sa kanya ang lupa ng sariling bayan?
1. Lahat ay umuuwi sa kanyang bayan.
2. Tanggap pa rin siya ng mga taga-San Roque.
3. Pagkakaroon ng lubos na kapayapaan.
4. Pagkawala ng hinanakit ni Layo sa San Roque.

22.  Mahirap makalimutan, Tiyo Julio. Natatandaan ba ninyo noon, noong

maliit ako?  Noong hindi ko matagpuan ang libing ni Ama’t Ina? Wala         

       akong mauuwian doon, Tiyo Julio.  Mag-iisa rin ako. Anong damdamin

ang mababakas kay Layo sa mga pahayag niyang ito?

      a.    hinanakit

                  b.    kalungkutan

                  c.    pangungulila sa mga magulang

                  d.    pagtatampo

23. Anong katotohanan ng buhay ang mababakas sa binasang kuwento?

a.        Ang mga sugat ay napaghihilom ng panahon.

b.       Ang pakikiramay ay bahagi ng pakikipagkapwa.

c.        Lahat ay naghahangad ng isang maayos na libing.

d.       Walang hindi umuuwi sa sariling bayan.

 

Direksyon:  Basahin ang kuwento.  Sagutin ang mga tanong. 

                Opener ako kinabukasan.  Mas gusto kong maging opener, kakaunti lang kasi ang kumakain.  Karamihan mga nag-oopisina at lagi pang take out.  Lagi silang mga nagmamadali.  Kapag konti ang kumain, konti ang aking lilinisin. 

                Pero sa kawnter ako napunta.  Kahit takot akong humawak ng pera, kailangan kong matutunan ang lahat ng bahagi ng operasyon.  Ingat na ingat ako sa pagsusukli dahil kapag nagkulang ang aking benta, kaltas sa sahod ko. 

                Habang napupuno ng pera ang lalagyan ng benta at wala namang bumibili, inisip ko ang una kong sasahurin.  Mamaya, pag-out ko, tiyak na may laman na ang ATM ko.

                “Siguro konti para sa mga delata’t sabong panligo at panlaba, bayad kay Nanay at ‘yung matitira, baon at pamasahe ko,” pagkukwenta ko.

                Pagkatapos ng anim na oras, ini-remit ko ang benta kay Ma’am Sarri.  Naglog-out ako at kumain.  Minadali ko ang pagkain.  Sabik na ‘kong makuha ang aking sahod.

                Pinuntahan ko ang bangkong tumatanggap ng ATM ko.  Pumasok ako at ipinasok sa machine ang kard at agad kong pinindot ang PIN na galing sa pangalan ni Nanay.  Habang hinihintay ko ang lalabas sa screen, may pumasok.  Sa tunog ng kanyang sapatos sa sahig, at sa suot niyang long-sleeve at kurbata, halatang nag-oopisina siya.  May dalawng machine sa loob.  ‘Yung isa ang ginamit niya.  Tumunog ang machine na gamit ko.

                “Pambihira! Wala pa!” dinig ko sa mamang de-opisina.

                Naisip ko, nagiging mabangis pala ang tao kapag nade-delay ang sahod.  Siguro, tulad ko, malaki rin ang pangangailangan niya.  May utang din siyang dapat bayaran.

                Gusto kong pagsisipain ang machine dahil wala pa rin ang sahod ko.  Lumabas na ako’t sumakay na dyip papuntang Quiapo na dadaan sa eskwelahang pinapasukan ko.

                Pagkatapos ng klase ko, pumunta uli ako sa bangkong pinuntahan ko kanina.  Ipinasok ko ang ATM kard ko at pinindot ang PIN.  Parang nag-iisip ang machine.  At ilang sandali pa, namilog ang aking mata sa aking nakita.

                “Sa wakas!”

                Nanginginig kong kinuha ang dadaaning sahod ko.  Kay sarap tanggapin ang perang pinagpaguran.  Di ko na binilang dahil alam kong di ito maaaring magkulang.  Matatalino ang mga machine na ‘to.  Maggo-groseri ako.  Pero di pa ‘ko nakakalayo sa bangko, ay may biglang umakbay sa akin.

                “Akina!  Bilisan mo!” ang mahina ngunit madiin niyang iniutos sa akin.

                Mahigpit ang pagkakaakbay niya sa ‘kin.  Iginawi niya ako sa madalim na lugar palihis ng Taft Avenue.  At saka niya ako tinutukan ng patalim.  Di na ‘ko nakapalag.

                ‘Nung ibinibigay ko ang unang sahod ko, parang ibinibigay kong buung-buo ang sarili ko.  Habang papalayo ang holdaper lubusan ko siyang nakilala.  Siya ‘yung pumasok kanina sa loob, ‘yung mukhang de-opisina.

                Kasabay kong lumuha ng dilim ang buwan.  Nagdidilim ang isip ko.  Gusto kong biglang mawala na lang.

                Sa pag-uwi ko, naalala ko si Nanay.  Di ko pa siya mababayaran ngayon.  At kailangan ko uling magkaroon ng dagdag na lakas ng loob upang muling mangutang.

-          McDonaldisasyon

24. Alin sa sumusunod na pangyayari ang kasukdulan ng kuwentong binasa?
1. Nang ibinibigay niya sa holdaper ang kanyang unang sahod.
2. Nang makuha na niya ang pinakaaasam na sahod na ATM.
3. Nang umuwi na siya at maalala ang kanyang Nanay.
4. Nang may umakbay sa kanyang holdaper at igawi siya sa madilim na lugar.
25. Sa pag-uwi ko, naalala ko si Nanay.  Di ko pa siya mababayaran ngayon.  At kailangan ko uling magkaroon ng dagdag na lakas ng loob upang muling mangutang.  Ano ang tawag sa bahaging ito ng kuwento kung saan binibigyang solusyon ang suliranin?
1. wakas
2. kasukdulan
3. kakalasan
4. suluranin

 

26. Ano ang ipinahihiwatig ng wakas ng kuwento?
1. May mga taong maaaring mautangan sa oras ng kagipitan.
2. Patuloy na pagkakaroon ng pag-asa sa buhay
3. Anuman ang suliraning maranasan, tuloy pa rin ang buhay.
4.  Walang magulang ang makatitiis sa kanyang anak.
27. Kasabay kong lumuha ng dilim ang buwan.  Nagdidilim ang isip ko.  Gusto kong biglang mawala na lang.  Anong damdamin ang mababakas sa pangunahing tauhan sa bahaging ito ng kuwento?
1. matinding kabiguan
2. panghihinayang
3. paghahanap ng katarungan
4. kawalan ng pag-asa
28. Anong katotohanan ng buhay ang mababakas sa binasang kuwento?
1. May mga pagsubok sa buhay na kailangang harapin.
2. Di nakakamit ng mahihirap ang katarungan.
3. May mga taong kumakapit sa patalim kapag nagigipit.
4. Talamak ang karahasan sa isang lipunang dumaranas ng kahirapan.

 

Nang makitang walang-kibo ang maysakit, nabuhos ang loob ni Padre Florentino sa isang suliranin at naibulong: “Nasaan ang kabataang dapat mag-alay ng kaniyang kasariwaan, ng kaniyang mga panaginip at sigasig ukol sa kabutihan ng kaniyang Inang Bayan?  Nasaan siya na dapat kusang-loob na magbuhos ng kaniyang dugo upang mahugasan ang nakaparaming kahihiyan, ang napakaraming pagkakasala, ang napakaraming kasuklam-suklam?  Dalisay at walang batik dapat ang alay upang tanggapin ang paghahandog!...Nasaan kayo, mga kabataan, na magsasakatauhan sa sigla ng buhay na tumakas sa aming mga ugat, sa kadalisayan ng pag-iisip na nabulok sa aming mga utak, sa apoy ng sigasig na napugto sa aming mga puso?  Hinihintay namin kayo, O mga kabataan! Halikayo, sapagkat hinihintay namin kayo!”

At dahil naramdaman niyang namamasa ang kaniyang mga mata, binitawan niya ang kamay ng maysakit, tumindig, at lumapit sa bintana upang masdan ang malawak na karagatan.

-          El Filibusterismo

Jose Rizal

Salin ni Virgilio S. Almario

29. Sino ang sinisimbolo ni Padre Florentino sa kasalukuyang panahon?
1. mga gurong nagtuturo ng kasaysayan
2. matandang nawawalan ng pag-asa
3. pangulo ng Pilipinas
4. mga Pilipinong hangad ay pagbabago
30. Ang maysakit sa binasang bahagi ng El Filibusterismo ay sumisimbolo sa ____________________.
1. mga Pilipinong nawalan ng pag-asa.
2. sakit ng lipunang Pilipino.
3. bigong paghihimagsik ng mga bayani
4. mga Pilipinong nagbuwis ng buhay

 

31. Alin sa sumusunod na teorya ang mababakas sa binasang bahagi ng El Filibusterismo?
1. Humanismo
2. Eksistensyalismo
3. Realismo
4. Romantesismo

Direksyon:  Tukuyin ang simbolo ng lupa sa sumusunod na saknong ng tula.

                                Di na ako yaoang basal na bahagi ng daigdig,

                Kundi lupang nalinang na ng kalabaw at ng bisig;

                Ang datihang pagka-gubat ay hinawan at nalinis.

                                                                                - Lope K. Santos, Ako’y si Bukid

32. Ang lupa sa tula ay sumisimbolo sa _______________.
1. kabataan
2. kasaganaan
3. kabuhayan
4. bayan

                Aling pag-ibig pa ang hihigit kaya

                Sa pagkadalisay at pagdakila

                Gaya ng pag-ibig sa tinubuang lupa?

                Aling pag-ibig pa?  Wala na nga, wala.

                -  Andres Bonifacio, Pag-ibig sa Tinubuang Lupa

33. Ang lupa sa tula ay sumisimbolo sa _______________.
1. kabataan
2. kasaganaan
3. kabuhayan
4. bayan

Nakayapak, mahilig tayong tumahal sa lupa.

Lupang mahalumigmig, malambot, marangay.

                                                                - Lamberto E. Antonio, Lupa

34. Ang lupa sa tula ay sumisimbolo sa _______________.
1. kabataan
2. kasaganaan
3. kabuhayan
4. bayan
35. Noong sumiklab ang Ikalawang Digmaang Pandaigdig, sumapi si Ka Amado sa mga gerilya bilang Intelligence Officer.  Pagkatapos ng giyera, nagsimula ang kanyang pagkilos bilang lider-manggagawa. 

 

Anong uri ng panandang diskurso ang mga nakahilig na salita?

1. komparison at kontras
2. enumerasyon
3. order o pagkakasunud-sunod
4. sanhi at bunga   

 

36. Di na naituturo nang maayos ang mga asignaturang tulad ng Araling Panlipunan ay babawasan pa ang oras ng pagtuturo nito.  Kung kaya di nakapagtataka na ang mga istudyante ay nagiging pasibo sa mga usapin sa eskwela at sa lipunan.

Anong uri ng panandang diskurso ang mga nakahilig na salita?

1. komparison at kontras
2. enumerasyon
3. order o pagkakasunud-sunod
4. sanhi at bunga

 

Direksyon:  Basahin ang sumusunod na talata.  Tukuyin kung anong uri ng teksto ang mga ito.

Nagkaroon ako ng pasyenteng bata na ang amoy ng sipon ang inirereklamo ng ina.  Ayon sa ina, mabaho raw ang sipon ng bata (hindi mabaho ang karaniwang sipon).   Nang sinilip ko ang loob ng butas ng ilong, nakita ko ang waring piraso ng tela na nakasuksok doon.  Malalim na ang pagkakabaon nito sa loob ng ilong.  Nang makuha ko ito, nagulat ako na foam pala ito ng sifa na unti-unting ipinasok ng bata sa loob ng ilong hanggang sa mapipi ito doon.  

-          Luis P. Gatmaitan, MD

37. Ang talata ay isang uri ng tekstong ____________.
1. descriptiv
2. informativ
3. narativ
4. informativ

Ang kompyuter ay produkto ng makabagong teknolohiya.  Ito ay isang elektronikong kasangkapan na ginagamitan ng kuryente.  Binubuo ito ng tatlong mahahalagang bahagi: monitor, keyboard, at CPU (central processing unit).  Tumutulong ito sa tao upang mapadali ang pagmamanipula ng mga datos.  

-          Ligaya Tiamson Rubin

38. Ang talata ay isang uri ng tekstong ____________.
1. descriptiv
2. informativ
3. narativ
4. informativ

Taong 2001, bigla na lamang naglaho si Danny at walang makapagsabi kung saan siya naroon.  Hinanap siya ng mga kamag-anak at kakilala.  Buong Mindanao ay hinagilap siya subalit walang balitang nakalap tungkol sa kanya.  Hanggang isang araw, may isang taong sumulpot at ibinalitang nakakulong si Danny sa Malaysia dahil sa salang pagpupuslit ng tao patungong Sabah.  

39. Ang talata ay isang uri ng tekstong ___________.
1. descriptiv
2. informativ
3. narativ
4. informativ
40. Isang tuntunin o kautusang kinikilala at pinagtibay ng karanasan at nauugnay lalung-lalo na sa mga bagay at kapakanang maaaring mangyari o may kahalagahan sa buhay.  Nagsilbing batas at tuntunin ng kagandahang-asal ng mga tao.
1. salawikain
2. kawikaan
3. kasabihan
4. lahat ito
41. Alin sa sumusunod ang mali?
1. buk-san
2. kop-ya
3. to-kwa
4. kap-re
42. Alin sa sumusunod ang tama?
1. sob-re
2. ek-spe-ri-men-to
3. trans-krips-yon
4. ek-sklu-si-bo
43. Ang yosi, boylet, jologs ay mga halimbawa ng anong kategorya ng wika?
1. literari
2. kolokyal
3. lalawiganin
4. balbal
44. Ito ay itinuturing na mahalagang ambag sa palatunugang Filipino.  Ang tunog na ito ay maaaring nasa unahan, gitna at hulihang posisyon.
1. Ñ
2. NG
3. C
4. F
45. Alin sa sumusunod ang mali?
1. Ang alpabetong Filipino ay binubuo ng 28 letra.
2. Sa 28 letra ng alpabeto, 20 letra ang nasa dating ABAKADA.
3. 8 letra ang dagdag sa alpabetong Filipino.
4. Ang lahat ng letra sa alpabetong Filipino ay binibigkas nang pa-Ingles.
46. Ito ay mga salitang may pekulyaridad at sa isang lalawigan lamang naririnig.
1. kolokyal
2. literari
3. balbal
4. lalawiganin
47. Filipino ang ating pambansang lingua franca
1. ginagamit mong wika sa klase
2. ginagamit mong wika sa pakikipag-usap sa mga piling tao
3. wikang komon na ginagamit ng dalawang taong nag-uusap na magkaiba ang katutubong wika
4. wika sa pang-araw-araw na buhay
48. Kinikilala ng Estado bilang pundasyon ng isang matatag na bansa.
1. Wikang Pambansa
2. Pamilya
3. Edukasyon
4. Mag-asawa
49. Romantikong kuwento ng pag-ibig at digmaan ng mga Ifugao na inaawit ng kababaihan.
1. Aliguyon
2. Hudhud
3. Ulpi
4. Mumbaki
50. Alinsunod sa tadhana ng batas at sang-ayon sa nararapat sa maaaring ipasya ng Kongreso, dapat magsagawa ng mga hakbangin ang ___________ upang ibunsod at puspusang itaguyod ang paggamit ng Filipino.
1. akademya
2. lipunan
3. pamahalaan
4. mamamayan
51. Ito ay isang uri ng tekstong naglalarawan ng isang biswal na konsepto tungkol sa tao, bagay, pook, o pangyayari.  Maaaring nagbibigay rin ito ng mas malalim na paglalarawan sa kabuuan ng bagay o ng isang pangyayari.
1. informativ
2. deskriptiv
3. narativ
4. argumentativ
52. Ang isang teksto ay ____________ kung ito ay naglalahad lamang ng isang mahalagang pagkukuro, paniniwala o pananaw.  Di ito humihikayat sa mambabasa upang tanggapin ang mga patotoo ukol sa isang pananaw.
1. informativ
2. deskriptiv
3. narativ
4. argumentativ
53. _____________ ang teksto kung nagtataglay ito ng mahahalaga at tiyak na impormasyon tungkol sa mga tao, bagay, lugar at pangyayari.
1. informativ
2. deskriptiv
3. narativ
4. argumentativ
54. Hindi, makakapunta si Lee sa ating pulong mamaya.
1. di makakapunta si Lee sa pulong
2. makakapunta si Lee sa pulong
3. di siguradong darating si Lee
4. nakapunta na si Lee sa pulong
55. Pagsunud-sunurin ang sumusunod ayon sa tuntunin sa paghihiram.

1.        Bigkasin sa orihinal na anyo ang hiniram na salita mula sa Kastila, Ingles at iba pang wikang banyaga, at saka baybayin sa Filipino.

2.        Gamitin ang kasalukuyang leksikon ng Filipino bilang panumbas sa mga salitang banyaga.

3.        Kumuha ng mga salita mula sa iba’t ibang katutubong wika sa bansa.

1. 1,2,3
2. 2,3,1
3. 3,1,2
4. 3,2,1